Viðar Örn Kjartansson skoraði sitt 15. mark í ísraelsku úrvalsdeildinni í knattspyrnu í gærkvöld í 2:0 sigri gegn Bnei Yehuda eins og fram kom á mbl.is í gær.
Mark Viðars má sjá á meðfylgjandi myndskeiði en Selfyssingurinn er markahæstur í deildinni og með sigrinum í gær komst Maccabi Tel Aviv upp að hlið Hapoel Be'er Sheva. Bæði lið eru með 50 stig en Hapoel Be'er Sheva á leik til góða í dag.