Landsliðsmaðurinn Alfreð Finnbogason er allur að koma til eftir erfið meiðsli sem hafa haldið honum frá keppni síðan í október.
Alfreð var í byrjunarliði Augsburg sem spilaði æfingaleik við Greuther Fürth, og skoraði hann mark Augsburg í leiknum sem endaði með 1:1 jafntefli. Markið kom á 18. mínútu og jafnaði Alfreð leikinn og þar við sat.
Alfreð hefur verið meiddur síðan í október en um er að ræða bólgur í lífbeini, sem leiða út í nára. Óvíst er hvenær hann getur spilað mótsleik, en um eru að ræða mjög óútreiknanleg meiðsli.