Saksóknarar í Króatíu hafa hafið rannsókn á því hvort knattspyrnumaðurinn Luka Modric hafi sagt ósatt í réttarsal í síðustu viku. Modric bar vitni í spillingarmáli en Zdravko Mamic, fyrrverandi formaður Dinamo Zagreb er um að hafa dregið til sín fé í tengslum við sölu leikmanna.
Í yfirlýsingu kemur fram að saksóknarar væru að rannsaka „króatískan ríkisborgara sem er fæddur árið 1985“ í tengslum við grun um að hann hafi veitt „falskan vitnisburð 13. júní í dómstól í Osijek.“
Króatíski landsliðsfyrirliðinn breytti framburði sínum í réttarsalnum í síðustu viku, frá því sem hann hafði sagt ári áður. Modric sagði í fyrra að viðauki þess efnis, að Mamic hlyti ríkulegan ágóða eftir að Modric var seldur til Tottenham, hefði verið ákveðinn eftir söluna, sem eru slæmar fréttir fyrir Mamic.
Modric hafði hins vegar aðra sögu að segja í réttarsal, þar sem hann bar fyrir sig minnisleysi. „Ég hef aldrei sagt þetta...þetta...að þetta hafi verið ákveðið eftir á,“ stamaði Modric.
„Ég sagði ykkur að ég man ekki hvenær þetta gerðist.“