Fyrrverandi þjálfari argentínska landsliðsins í knattspyrnu er nokkuð ánægður með riðilinn sem Argentínumenn drógust í á HM í Rússlandi en Íslendingar, Króatar og Nígeríumenn verða andstæðingar Argentínumanna á HM.
„Þessi riðill er fullnægjandi. Við vorum í sterkari riðli 1978 en þá vorum við Ítölum, Frökkum og Ungverjum,“ segir Cesar Luis Menotti í viðtali við argentínska blaðið Super Miter Deportivo en Menotti stýrði Argentínumönnum til sigurs á heimsmeistaramótinu árið 1978 en hann var landsliðsþjálfari Argentínu frá 1975 til 1982.
„Það kæmi ekkert á óvart ef Argentína tapaði fyrir Króatíu en á móti Íslandi og Nígeríu eru sex stig tryggð,“ segir Menotti.