Keppni á Grikklandi frestað (myndskeið)

Leikur PAOK og AEK í grísku úrvalsdeildinni í knattspyrnu var flautaður af undir lokin í gær eftir að forseti PAOK hreinlega trylltist þegar mark var dæmt af hans mönnum.

Forsetinn stökk inn á völlinn og það sem meira er, hann var vopnaður byssu sem hann var með í hulstri utan á buxum sínum. Eftir mikil fundarhöld var ákveðið að flauta leikinn af og þessi atburður hefur nú dregið dilk á eftir sér.

Ákveðið hefur verið fresta keppni í grísku úrvalsdeildinni en frá þessu skýrði Yiorgos Vassiliadis íþróttamálaráðherra.

Grikklands eftir neyðarfund með forsætisráðherranum Alexis Tsipras.

Ivan Savvidis forseti PAOK er hér leiddur út af vellinum. AFP

• Blogga um frétt