Úkraínska karlalandsliðið í knattspyrnu fór beint til Póllands á föstudagsmorguninn eftir að hafa sigrað Bosníu, 2:1, í undanúrslitum umspilsins um sæti í lokakeppni EM.
Úkraína mætir Íslandi í úrslitaleiknum í umspilinu í Wroclaw í Póllandi á þriðjudagskvöldið.
Úkraínska liðið flaug strax til Poznan og fór þaðan til bæjarins Opalenica sem er í um tveggja tíma akstursfjarlægð frá Wroclaw.
Þar mun liðið dvelja fram að leiknum á þriðjudagskvöldið en á heimasíðu úkraínska knattspyrnusambandsins segir að þar séu óvenju góðir æfingavellir miðað við árstíma við hliðina á hóteli liðsins.