Svissneski landsliðsmaðurinn Granit Xhaka var allt annað en sáttur með Danann Morten Hjulmand í vináttulandsleik þjóðanna í knattspyrnu sem lauk með markalausu jafntefli á Parken í gærkvöldi.
Hjulmand fylgdi harkalega á eftir er hann reyndi að vinna boltann af Xhaka. Svisslendingurinn var allt annað en sáttur með það og brjálaðist út í Danann.
„Svona gerir maður ekki, hvað þá í vináttulandsleik,“ sagði Xhaka í viðtali við danska blaðamenn eftir leik og bað þá um að spyrja Hjulmand frekari spurninga.