Spænski knattspyrnumaðurinn Koke hefur skrifað undir nýjan eins árs samning við Atlético Madrid.
Koke semur til sumarsins 2025 en er með möguleika um árs framlengingu eftir það.
Spánverjinn kom upp í gegnum unglingastarf Atlético og hefur allan sinn feril leikið með liðinu. Þá er hann fyrirliði þess í dag.
Á hann að baki 626 leiki fyrir félagið og hefur unnið til marga verðlauna, þar á meðal orðið Spánarmeistari tvívegis.
Atlético er í fimmta sæti spænsku deildarinnar með 55 stig, einu stigi á eftir Athletic Bilbao í fjórða. Þá er liðið komið í átta liða úrslit Meistaradeildarinnar þar sem það mætir Borussia Dortmund.