Nokkrir vináttuleikir í knattspyrnu karla fóru fram í kvöld. Átta Evrópuþjóðir áttust til að mynda við í fjórum leikjum en ekki var mikið skorað í þeim.
Svíþjóð fékk Albaníu í heimsókn og vann 1:0-sigur með marki frá Gustaf Nilsson eftir undirbúning Dejans Kulusevskis.
Serbía heimsótti Kýpur og vann sömuleiðis 1:0-sigur.
Sergej Milinkovic-Savic skoraði sigurmarkið eftir aðeins sjö mínútna leik. Aleksandar Mitrovic klúðraði vítaspyrnu á 11. mínútu.
Enn einn 1:0-sigurinn leit dagsins ljós þegar Svartfjallaland lagði Norður-Makedóníu að velli á heimavelli.
Sóknarmaðurinn reyndi, Stevan Jovetic, skoraði sigurmarkið skömmu fyrir leikhlé.
Aserbaídsjan og Búlgaríu áttust loks við í Bakú og skildu jöfn, 1:1.
Filip Krastev kom Búlgaríu yfir eftir tæplega klukkutíma leik áður en Musa Qurbanli jafnaði metin fyrir heimamenn þremur mínútum fyrir leikslok.