Ágúst Eðvald Hlynsson skoraði mark AB þegar liðið gerði jafntefli við Nyköbing, 1:1, í efri hluta dönsku C-deildarinnar í knattspyrnu í kvöld.
AB er í sjötta sæti efri hlutans með 33 stig, langt á eftir efstu liðunum þegar liðið á eftir að spila fjóra leiki.
Í kvöld jafnaði Ágúst Eðvald metin þegar átta mínútur voru til leiksloka. Hann er búinn að skora þrjú mörk í átta deildarleikjum á tímabilinu.
Jóhannes Karl Guðjónsson tók við stjórnartaumunum hjá liðinu í vikunni og skrifaði undir þriggja ára samning en var ekki á hliðarlínunni í kvöld.