Bandaríski fjárfestingarsjóðurinn Oaktree er nýr eigandi Ítalíumeistara Internazionale frá Mílanó. Fyrrum eigendur, kínverska fyrirtækið Suning, gat ekki staðið í skilum á 395 milljón evru láni og missti félagið þremur dögum eftir að Inter tryggði sér titilinn.
Oaktree tilkynnti í dag að sjóðurinn hefði tekið yfir Inter. Suning keypti félagið árið 2016 en forstjóri Inter, Steven Zhang, sagði viðræður við Oaktree um aukinn greiðslufrest ekki hafa borið árangur.
Inter varð í tvígang Ítalíumeistari undir eignarhaldi Suning.