Sigrún Brá fer til Peking

Bæst hefur í hóp íslenskra Ólympíufara, en sundkonan Sigrún Brá Sverrisdóttir, sundkona úr Fjölni, náði í dag Ólympíulágmarki í 200 metra skriðsundi á Mare Nostrum mótaröðinni sem fram fer í Mónakó.

Sigrún Brá synti á  tímanum 2.03.35 og bætti þar með Íslandsmetið í greininni. Fyrr um daginn hafði hún einnig bætt Íslandsmetið í greininni, þannig metið var því tvíbætt af Sigrúnu í dag.

Sigrún Brá er fimmti íslenski sundmaðurinn sem tryggir sig inn á Ólympíuleikana í Peking sem fram fara í ágúst á þessu ári. Hinir eru Örn Arnarson, Jakob Jóhann Sveinsson, Ragnheiður Ragnarsdóttir og Erla Dögg Haraldsdóttir.

• 2 blogg um fréttina

Bloggað um fréttina

• Jóhann Páll Símonarson: Sigrún Brá sundkona úr Fjölni er frábær.
• Reynir Andri: Sigrún Brá mun bregða sér til Peking