Íslendingar voru rétt í þessu að tryggja sér gull og silfur í 100 metra baksundi á Smáþjóðaleikunum í Lúxemborg. Þá fengu Íslendingar silfurverðlaun í 100 metra baksundi karla.
Eygló Ósk Gústafsdóttir vann gullverðlaunin. Hún synti vegalengdina á 1.02,89 mínútum og bætti mótsmetið sem hún setti í undanrásunum í morgun. Eygló á Íslandsmetið í greininni sem er 1.01,08 mín. Ingibjörg Kristín Jónsdóttir varð í öðru sæti á tímanum 1.04,47 mín.
Davíð Hildiberg Aðalsteinsson kom annar í mark í 100 metra baksundi karla á tímanum 57,91 sek. en Kolbeinn Hrafnkelsson varð fjórði á tímanum 59,33 sek.