Tveir íslenskir sundmenn munu nýta sér keppnisrétt á Evrópumótinu í 50 metra laug í sundi sem hefst í Berlín, höfuðborg Þýskalands 18. ágúst. Það verða Hrafnhildur Lúthersdóttir og Ingibjörg Kristín Jónsdóttir, báðar úr Sundfélagi Hafnarfjarðar, sem verða fulltrúar Íslands á EM. Með þeim í för verður Klaus Jürgen-Ohk sem þjálfari.
Hrafnhildur, Ingibjörg og Klaus eru þessa dagana í Essen í Þýskalandi við æfingar og undirbúning fyrir EM.
Samkvæmt upplýsingum frá Sundsambandi Íslands náðu bæði Anton Sveinn McKee og Eygló Ósk Gústafsdóttir úr Sundfélaginu Ægi lágmörkum á EM, en ákváðu hvorugt að nýta sér keppnisrétt sinn, en af ólíkum ástæðum.
Nánar í íþróttablaði Morgunblaðsins í dag.