17. Unglingalandsmót UMFÍ, sem haldið er á Sauðárkróki um verslunarmannahelgina, var sett með formlegum hætti að viðstöddu miklu fjölmenni í gærkvöld.
Þátttakendur gengu fylktu liði inn á íþróttavöllinn en yfir 1.500 keppendur á aldrinum 11-18 ára taka þátt í mótinu. Mótshaldarar búast við að 10 þúsund gestir muni sækja mótið um helgina. Keppt er í 17 keppnisgreinum og hafa þær aldrei verið fleiri fram að þessu.
Margt af okkar fremsta íþróttafólki hefur stigið sín fyrstu spor á unglingalandsmóti en þeim hefur vaxið fiskur um hrygg með hverju árinu. Þetta er í þriðja sinn sem mótið er haldið á Sauðárkróki en öll aðstaða er með því besta sem þekkist á landinu.
Sjá umfjöllun um setningu mótsins í heild í íþróttablaði Morgunblaðsins í dag.