Íslandsmeistarar Aftureldingar í blaki kvenna hefja titilvörn sína í Mizunodeildinni af krafti. Í kvöld vann Aftureldingarliðið, sem er talsvert breytt frá síðustu leiktíð, öruggan sigur á Stjörnunni í þremur hrinum gegn engri.
Afturelding vann fyrstu hrinuna, 25:17. Stjarnan veitti meiri mótspyrnu í annarri hrinu og tapaði henni aðeins með fjögurra stiga mun, 25:21. Afturelding tryggði sér síðan sigurinn með því að vinna þriðju hrinu, 25:16.
Stigahæstar í liði Stjörnunnar voru Elsa Sæný Valgeirsdóttir með 14 stig og Ásthildur Gunnarsdóttir með 13 stig. Hjá Aftureldingu voru stigahæstar Zaharina Filipova með 10 stig og Miglena Apostolova með 7 stig