Ásgeir í 5. sæti í Kóreu

Ásgeir Sigurgeirsson lenti í 5. sæti í frjálsri skammbyssu á heimsbikarmótinu í skotfimi sem fór fram í Changwon í Suður-Kóreu í nótt. Ásgeir náði 127,5 stigum meðan sigurvegarinn, Zhang Bowen frá Kína, náði 192,4.

Ásgeir keppti í undan­keppn­inni í gær og flaug áfram í aðal­keppn­ina með fínu skori, 560 stig. Í aðalkeppninni tryggði hann sér í úrslitakeppnina með því að skjóta 565 stig og jafnaði þar með Íslandsmet sitt.

Ásgeir kepp­ir sömu­leiðis með loftskamm­byssu og fer sú keppni fram á sunnu­dag.

• Blogga um frétt