Björn Róbert Sigurðarson, landsliðsmaður í íshokkí, hefur samið við finnska liðið Ketterä um að spila með liðinu í vetur. Björn fór nýlega til Finnlands en til stóð að hann yrði til skoðunar í tvær vikur. Finnska félagið sem leikur í C-deild samdi hins vegar fljótt við Björn sem lék í Bandaríkjunum síðustu tvo vetur.
Björn kom heim í sumar og hóf keppnistímabilið með Esju hér heima og brotthvarf hans veikir væntanlega lið Esju verulega enda Björn í stóru hlutverki í íslenska landsliðinu.
Björn er þegar búinn að leika sinn fyrsta leik fyrir Ketterä og skoraði þá sigurmarkið í leik á móti IPK sem endaði í vítakeppni.
Nánar er fjalla um félagsskipti Björns Róberts í íþróttablaði Morgunblaðsins sem kom út í morgun.