Um helgina var síðasta mót Bikarmótaraðar Taekwondo-sambands Íslands 2017. Mótaröðin var gífurlega jöfn en Keflavíkingar sátu uppi sem sigurvegarar og þetta er því 9. bikarmeistaratitill Keflavíkur í röð.
Fast á hæla þeim var Ármann, eingöngu örfáum stigum frá Keflavík, og í þriðja sæti var Afturelding. Karl mótsins var Viktor Snær Flosason úr Ármanni og kona mótsins var Steinunn Selma Jónsdóttir úr Aftureldingu.
Mótið var haldið í Akurskóla í Reykjanesbæ og þótti heppnast afar vel.