Tiger Woods mætti til leiks á bandarísku PGA-mótaröðinni á ný í nótt þegar hann hóf keppni á Phoenix Open í Arizona.
Tiger, sem lengi var besti kylfingur heims en er nú í 104. sæti heimslistans, missti af stórum hluta síðasta tímabils vegna meiðsla. Hann var á fimm höggum yfir pari eftir tólf holur en náði að laga stöðuna á lokasprettinum og lauk fyrsta hring á 73 höggum, tveimur yfir pari vallarins.
Hann er níu höggum á eftir fyrsta manni en Ryan Palmer lék á 64 höggum, sjö undir pari. Keegan Bradley, Bubba Watson og Daniel Berger eru á sex undir pari en Berger var í hópi nokkurra kylfinga sem gátu ekki klárað hringinn áður en náttmyrkrið skall á.