Norður-Írinn Rory McIlroy er nú að ljúka sínum fyrsta hring á World Tour Championship í Dubai sem tilheyrir Evrópumótaröðinni.
McIlroy er á þremur höggum undir pari að loknum sautján holum en á 17. flötinni sáust óvenjuleg tilþrif þegar McIlroy tók fram fleygjárn og vippaði inni á flöt. Eins og sést í meðfylgjandi myndskeiði þá fór McIlroy ekki illa með snöggslegna flötina og virtist hitta nokkurn veginn beint í boltann.
Ekkert bannar kylfingum að nota fleygjárn á flöt eða driver ef því er að skipta. Sjaldan kemur þó upp sú staða að slíkt sé líklegra til árangurs heldur en pútterinn.
Englendingurinn Ian Poulter byrjaði frábærlega í Dubai í dag og er á sex höggum undir pari.
Does this count as a one-putt or a two-putt? 😕 https://t.co/8PFFFSBEak
— The European Tour (@EuropeanTour) November 19, 2015