Keppnistímabilið er hafið hjá Íslandsmeistaranum Þórði Rafni Gissurarsyni úr Golfklúbbi Reykjavíkur. Þórður keppir nú í Egyptalandi eftir því sem fram kemur á netmiðlinum Kylfingur.is.
Þar segir að Þórður sé á meðal keppenda á móti sem tilheyri Pro Golf mótaröðinni og hafi leikið fyrsta hringinn á 77 höggum við erfiðar aðstæður.
Er Þórður í 32. sæti af 83 keppendum á fimm höggum yfir pari vallarins.