Endurkoman hjá Tiger Woods á golfvöllinn gekk ekki sem best hjá honum en hann endaði í 15. sæti af 18 keppendum á boðsmóti sínu á Bahamaeyjum, Hero World Challenge, sem lauk í kvöld.
Tiger, sem spilaði á sínu fyrsta móti í 16 mánuði, lék lokahringinn á fjórum höggum yfir parinu og lauk keppni á fjórum höggun undir parinu.
Tiger Woods, sem verður 41 árs gamall síðar í þessum mánuði, var lengi efstur á heimslistanum en keppir nú í fyrsta sinn síðan í ágúst 2015, í kjölfar tveggja aðgerða á baki, og er sem stendur í 898. sæti á heimslistanum.