Bandaríkjamaðurinn Dustin Johnson tryggði sér sigur á Heimsmótinu í holukeppni í golfi sem lauk í Austin í Texas í gærkvöld.
Hinn 32 ára gamli Johnson, sem er í efsta sæti á heimslistanum, hafði betur í úrslitaleiknum gegn Spánverjanum Jon Rahm en í undanúrslitunum lagði Johnson Japanann Hideto Tanihara að velli og Rahm sigraði Bandaríkjamanninn Bill Haas.
Þetta er fimmta Heimsmótið sem Johnson vinnur á ferli sínum og það annað í röð
Í leiknum um þriðja sætið á mótinu hafði Haas betur á móti Hideto.