Ólafía Þórunn Kristinsdóttir atvinnukylfingur lék á tveimur höggum undir pari í dag á öðrum hring Manulife LPGA Classic mótsins sem er hluti af LPGA mótaröðinni. Það dugði hins vegar ekki til og er hún því úr leik. Mótið er haldið í Cambridge í Ontaríó-fylki í Kanada.
Ólafía fékk þrjá skolla en krækti í fimm fugla. Hún kom því í hús á 70 höggum. Ólafía lék á 73 höggum í gær, eða einu höggi yfir pari og endaði hún á samtals einu höggi undir pari vallarins.
Að lokum var hún einu höggi frá því að komast í gegnum niðurskurðinn.
Ólafía í Ontaríó, 2. dagur | Opna lýsingu Loka | ||
---|---|---|---|
kl. 18:07 Textalýsing 18 Par: Ólafía fær par á 18. holu, og lýkur þar með leik á 70 höggum, 2 undir pari. Ólafía er á 1 höggi undir pari samtals, og því verður spennandi að sjá hvort að hún nái í gegnum niðurskurðinn. | |||
Augnablik — sæki gögn... |