Kiel hafði betur í Íslendingaslagnum
Setja bókamerki
Evrópu- og Þýskalandsmeistarar Kiel höfðu betur gegn Rhein-Neckar Löwen, 30:27, í uppgjöri Íslendingaliðanna í A-riðli Meistaradeildar Evrópu í handknattleik en liðin áttust við á heimavelli Kiel, Sparkassen-Arena, að viðstöddum rúmlega 10.000 áhorfendum.
Kiel gerði út um leikinn í fyrri hálfleik en eftir hann var munurinn átta mörk, 17:9. Aron Pálmarsson skoraði 3 af mörkum Kiel, Tékkinn Filip Jicha var markahæstur í liðinu með 7 mörk og sænski línumaðurinn Marcus Alhm skoraði 7.
Hjá Rhein-Neckar Löwen voru þeir Uwe Gensheimer og Bjarte Myrholm markahæstir með 7 mörk hvor en hvorki Ólafur Stefánsson né Róbert Gunnarsson náðu að skora fyrir liðið. Guðjón Valur Sigurðsson lék ekki með liðinu vegna meiðsla.
Kiel er efst í riðlinum með 9 stig, Rhein-Neckar Löwen hefur 7 og Chambery er í þriðja sætinu með 6 stig.
Misvísandi málflutningur ráðherra í máli Yazans
Er 83% skattur á hagnað hæfilegur?
Vaxtahækkanir flýti fyrir því að þenslan minnki
Tengsl við undirheima ekki hluti af rannsókninni
„Hann skók húsið aðeins“
97 aðgerðir hafa neikvæð áhrif
Saka Ísraela um fjöldamorð