Alfreð Gíslason, þjálfari Kiel, hefur ráðið sér aðstoðarmann við þjálfun liðsins. Sá er Jörn-Uwe Lommel sem er þrautreyndur þjálfari. Þeir þekkjast vel eftir að hafa verið samherjar sem leikmenn hjá Tusem Essen um nokkurra ára skeið á níunda áratugnum.
Lommel, sem er 56 ára gamall, hefur m.a. þjálfað Niederwürzbach, TuSEM Essen, TuS N-Lübbecke og Füchsen Berlin í Þýsalandi, Grasshopper í Sviss og verið landsliðsþjálfari Egypta.
Alfreð hefur alfarið séð um alla þjálfun hjá Kiel síðan hann tók við liðinu fyrir sex árum að því undanskildu að þrekþjálfari starfaði með Alfreð á síðasta keppnistímabili.