Ekkert lát er á sigurgöngu nýliða Molde, undir stjórn Einars Jónssonar, í norsku B-deildinni í handknattleik kvenna. Um liðið vann Molde lið Flint Tønsberg Håndball, 22:21, á heimavelli en Tønsberg-liðið féll úr úrvalsdeildinni í vor.
Brynja Magnúsdóttir, fyrrverandi leikmaður HK og landsliðskona í handknattleik, skoraði eitt mark fyrir Tønsberg.
Einar tók við Molde liðinu í C-deildinni fyrir rúmu ári síðan. Undir hans stjórn sigldi liðið uppí B-deildina í vor og hefur nú unnið þrjá fyrstu leiki sína í B-deildinni sem er athyglisverður árangur.
Þetta var jafnframt fyrsti tapleikur Tønsbergs-liðsins á leiktíðinni en liðið hafði unnið tvær fyrstu viðureignir sínar.