Arnór Atlason skoraði fjögur mörk fyrir Saint Raphael þegar liðið vann góðan útisigur á meistaraliðinu Dunkerque, 36:33, í frönsku 1. deildinni í handknattleik í kvöld.
Arnór og félagar eru í 2. sæti með 15 stig, þremur stigum á eftir toppliði Montpellier. Í 3. sæti koma Róbert Gunnarsson og félagar í Paris SG með 14 stig. Róbert skoraði 3 mörk í sigri á Toulouse í kvöld, 34:31.
Snorri Steinn Guðjónsson skoraði einnig þrjú mörk fyrir Sélestat í útisigri á Tremblay, 25:23, og Ásgeir Örn Hallgrímsson skoraði eitt mark í tapi Nimes gegn Créteil, 28:27.