Ola Lindgren landsliðsþjálfari Svía í handknattleik segir ljóst að Svía bíður mun erfiðari mótherji á HM í Katar í janúar en í gærkvöld varð það ljóst að Ísland spilar á HM og tekur sæti Sameinuðu arabísku furstadæmanna.
„Það er augljóst að Ísland er erfiðari mótherji en Sameinuðu arabísku furstadæmin,“ segir Lindgren í viðtali við Aftonbladet en Ísland leikur í C-riðlinum ásamt Svíþjóð, Frakklandi, Alsír, Tékklandi og Egyptalandi.
Ísland og Svíþjóð mætast í fyrsta leiknum í riðlinum hinn 16. janúar en viku áður mætast þjóðirnar á fjögurra þjóða móti í Kristianstad.
„Leikurinn verður spilaður og við sjáum til hvernig við tökum á þeim leik,“ segir Lindgren