Stórsigur Guif í toppbaráttunni

Lærisveinar Kristjáns Andréssonar í sænska handknattleiksliðinu Guif unnu í kvöld stórsigur á liði Skövde þegar liðin mættust á heimavelli Guif, 33:18.

Atli Ævar Ingólfsson var næst markahæstur í liði Guif með fimm mörk, en liðið var níu mörkum yfir í hálfleik, 17:8, og hélt uppteknum hætti eftir hlé sem skilaði sér í fimmtán marka sigri, 33:18.

Aron Rafn Eðvarðsson ver mark Guif, sem er í þriðja sæti deildarinnar með 33 stig. Kristianstad er langefst með 46 stig, en einungis þrjú stig skilja liðin að í öðru til sjötta sætinu.

• Blogga um frétt