Grótta og ÍBV mættust í þriðja leik liðanna í undanúrslitum Olís-deildar kvenna í handknattleik á Seltjarnarnesi í kvöld. Fylgst var með leiknum í beinni textalýsingu hér á mbl.is.
Lokatölur í leiknum urðu 25:22 fyrir ÍBV sem er það með komið í 2:1 í einvígi liðanna um sæti í úrslitaeinvíginu.
Vera Lopes var atkvæðamest í liði ÍBV með 11 mörk og Anna Úrsúla var markahæst í liði Gróttu með 8 mörk.
Liðin mætast í fjórða leiknum í Vestmannaeyjum á fimmtudagskvöldið og þar geta Eyjakonur tryggt sér sæti í úrslitaeinvíginu.