Samningi Birnu var rift

Birna Berg Haraldsdóttir, landsliðskona í handknattleik, mun ekki ganga til liðs við þýska félagið Koblenz/Weibern eins og samið hafði verið um. 

Birna Berg sleit krossband í hné í landsleik í síðasta mánuði og tilkynnti félagið á heimasíðu sinni í gær að samningnum hefði verið rift með sameiginlegri ákvörðun beggja aðila.

Þar segir að Birna Berg muni vera í endurhæfingu á Íslandi og í Svíþjóð. Hún lék þar með Sävehof en var lánuð til Molde í Noregi seinni hluta vetrar. yrkill@mbl.is