Íslendingarnir atkvæðamiklir

Ólafur Andrés Guðmundsson og Atli Ævar Ingólfsson voru atkvæðamiklir með liðum sínum í sænsku úrvalsdeildinni í handknattleik í kvöld.

Ólafur skoraði 6 mörk fyrir Kristianstad þegar liðið lagði Ystad á útivelli, 31:27, en Ólafur og félagar eru í toppsæti deildarinnar.

Atli Ævar skoraði 6 mörk og var markahæstur í liði Sävehof í öruggum sigri gegn Karlskrona á heimavelli, 31:24.

Tandri Már Konráðsson skoraði 5 mörk fyrir Rioch og Magnús Óli Magnússon 2 en liðið tapaði fyrir lærisveinum Kristjáns Andréssonar í liði Guif, 29:25.

Kristianstad er í efsta sæti deildarinnar með 40 stig, hefur fimm stiga forskot á Alingsås.

• Blogga um frétt