ÍBV og Valur mættust í 8-liða úrslitum Coca-Cola bikars karla í Vestmannaeyjum í dag. Leiknum lauk með tveggja marka sigri Vals, 25:23, eftir hörkuspennandi leik.
Valsmenn eru þar með fyrsta liðið til að komast í „Final Four“ helgina í Laugardalshöll.
Maður leiksins var Hlynur Morthens með 14 skot varin og mörg þeirra á mikilvægum augnablikum.
Hjá Val var Sveinn Aron Sveinsson markahæstur með 6 mörk og Einar Sverrisson var atkvæðamestur Eyjamanna með 6 mörk.
Fylgst var með gangi mála í beinni textalýsingu hér á mbl.is.