Fylkir leikur í undanúrslitum

Fylkir og Fram mættust í átta liða úrslitum Coca Cola bikars kvenna í Fylkishöllinni kvöld. Fylkir tryggði sér sæti í undanúrslitum keppninnar með þriggja marka sigri. 

Fylkisliðið hafði yfirhöndina lungann úr fyrri hálfleiknum, Fram komst til að mynda aðeins einu sinni yfir, en jafnt var í hálfleik.

Fylkir náðu góðu forskoti um miðbik seinni hálfleiks og hafði mest fjögurra marka forystu. Þá forystu lét Fylkisliðið ekki af hendi og innbyrti að lokum þriggja marka sigur. Lokatölur í leiknum urðu 22:19 Fylki í vil. 

Thea Imani Sturludóttir og Patricia Szölözi voru markahæstar í liði Fylkis með sjö mörk hvor, en Ragnheiður Júlíusdóttir var langatkvæðamest í liði gestanna úr Safamýrinni með tíu mörk. 

Thea Imani Sturludóttir fagnar sigrinum í kvöld ásamt Jóhannesi Lange en Thea skoraði 7 mörk fyrir Fylki. mbl.is/Styrmir Kári

• Blogga um frétt