Afturelding vann sinn fyrsta sigur í Olísdeildar karla þegar liðið lagði Gróttu að velli, 29:25 í sjöundu umferð deildarinnar í Hertz-höllinni i dag. Leikurinn var jafn á öllum tölum, en liðin skiptust á að hafa forystuna í leiknum og aldrei munaði meiru en þremur mörkum á liðunum.
Afturelding spilaði þétta vörn síðustu tíu mínútur leiksins og Lárus Helgi Ólafsson varði nokkur skot á mikilvægum augnablikum í leiknum. Leikmenn Aftureldingar nýttu færi sín betur á lokakafla leiksins og það skilaði liðinu sigrinum.
Birkir Benediktsson var markahæstur í liði Aftureldingar með níu mörk og Mikk Pinnonen kom næstu með átta mörk. Maximilian Jónsson var einu sinni sem oftar atkvæðamestur hjá Gróttu en hann skoraði sjö mörk í leiknum.
Lárus Helgi Ólafsson varði 11 skot í marki Aftureldingar og Kolbeinn Aron Ingibjargarson varði eitt skot. Hreiðar Levý Guðmundsson varði hins vegar 13 skot í marki Gróttu.
Afturelding hefur þrjú stig eftir þennan sigur, en Mosfellingar fóru fyrir Víking og Fjölni og liðið situr í níunda sæti deildarinnar.
Fjölnir og Víkingur geta þó farið aftur upp fyrir Aftureldingu með sigrum í leikjum sínum í kvöld. Víkingur er að leika við Fram þessa stundina og Fjölnir mætir Stjörnunni klukkan 20.00 í kvöld. Grótta er hins vegar enn án stiga á botni deildarinnar.