Ólafur Guðmundsson reyndist heldur betur hetjan hjá Kristianstad í sænsku úrvalsdeildinni í handknattleik eins og mbl.is greindi áður frá, en lokamínútur í leiknum gegn Malmö í kvöld voru magnaðar.
Malmö stal boltanum og jafnaði metin í 29:29 þegar sex sekúndur voru eftir. Þegar leiktíminn var runninn út fékk Kristianstad aukakast og úr því skoraði Ólafur með glæsilegu skoti sem tryggði sigurinn, 30:29.
„Ég reyndi bara að koma boltanum á markið og einhvern veginn fór hann inn. Ég get ekki útskýrt hvað ég er heppinn,“ sagði Ólafur við Aftonbladet, en hann bjargaði þarna 53. heimasigri liðsins í deildinni í röð.
Skiljanlega var fögnuðurinn innilegur, en lokamínúturnar má sjá hér að neðan.
Vilket fantastiskt drama mellan @IFKKristianstad och @HkMalmoe! Malmö kvitterar i slutminuten men med två sekunder kvar avgör IFK. #handboll pic.twitter.com/x15pUfVT4F
— TV4 Sport (@TV4Sport) November 9, 2017