Handknattleiksdeild Stjörnunnar hefur komist að samkomulagi við leikmanninn Svein Andra Sveinsson um að leika með liðinu frá og með næsta tímabili.
Sveinn Andri kemur frá Selfossi þar sem hann lék á nýafstöðnu tímabili. Selfyssingar féllu úr úrvalsdeildinni og leika því í 1. deild á næsta tímabili.
Hann er 25 ára leikstjórnandi sem hefur einnig leikið með Empor Rostock í þýsku B-deildinni og Aftureldingu og ÍR hér á landi.
„Sveinn Andri er frábær leikmaður sem hefur mikla reynslu í deildinni sem og erlendis.
Sveinn kemur inn með mikinn kraft og leiðtogahæfileika sem ég býst við miklu af,“ sagði Hrannar Guðmundsson, þjálfari Stjörnunnar, í tilkynningu frá handknattleiksdeild félagsins.