Getur FH jafnað metin í Mosó?
Setja bókamerki
Afturelding getur með sigri komist í álitlega stöðu í baráttunni við FH um Íslandsmeistaratitilinn í handbolta en liðin mætast í öðrum leik úrslitaviðureignarinnar í Mosfellsbæ í kvöld. Afturelding leiðir einvígið 1:0.
Afturelding vann fyrsta leikinn í Kaplakrika á sunnudaginn, 32:29, en frábær frammistaða Þorsteins Leós Gunnarssonar lagði grunninn að sigri gestanna en skyttan hávaxna skoraði þrettán mörk.
Leikurinn var hnífjafn og ljóst er að lítill munur er á styrk liðanna en skarð fyrir skildi hjá Hafnfirðingum er fjarvera Arons Pálmarssonar. Landsliðsfyrirliðinn gat hvorki leikið í oddaleik FH gegn ÍBV í undanúrslitum né fyrsta leik úrslitanna og er óvíst er um þáttöku hans í kvöld.
Geti Aron spilað eykur það sigurlíkur FH til muna en í síðustu heimsókn sinni á Varmá skoraði Aron fimmtán mörk í þriggja marka sigri Hafnfirðinga.
Leikurinn hefst klukkan 19:40 í Mosfellsbænum.
Eldur í þaki Kringlunnar
Allur tiltækur mannskapur sinnir slökkvistarfinu
„Hefur ótrúleg áhrif á líf fólks“
Tveimur er haldið sofandi eftir rútuslysið
Myndir: Mikið vatn á gólfum Kringlunnar
Töluverður reykur og vatn inni í Kringlunni
Segir nýja áætlun setja markið hátt
Guðni snýr aftur til starfa hjá HÍ