Risatap gegn Tékkum
Setja bókamerki
Ísland þarf að vinna Egyptaland á laugardaginn í lokaumferð C-riðils HM í handbolta í Katar til að vera öruggt um að komast áfram í 16-liða úrslitin, eftir hrikalegt tap gegn Tékklandi í kvöld, 36:25.
Í lokaumferðinni mætast einnig Alsír og Tékkland, og Svíþjóð og Frakkland.
Staðan í riðlinum fyrir lokaumferðina: Svíþjóð 7, Frakkland 7, Egyptaland 5, Ísland 3, Tékkland 2, Alsír 0.
Tékkar lögðu grunninn að sigrinum með frábærum fyrri hálfleik en stðan að honum loknum var 21:11. Þeir byrjuðu leikinn mun betur og komust í 8:3 áður en Aron Kristjánsson tók leikhlé strax á 9. mínútu. Það skilaði engu. Petr Stochl varði frábærlega í marki Tékka og sóknarleikur Íslands minnti bara á leikinn við Svía á föstudag, hægur og fyrirsjánlegur.
Alla grimmd vantaði svo í vörnina og Björgvin Páll Gústavsson fann sig ekki í markinu. Aron Rafn Eðvarðsson leysti hann af og saman vörðu þeir 7 gegn 17 skotum Stochl í fyrri hálfleik, ef allt er talið.
Filip Jícha sýndi strax að engin magakveisa háði honum í dag, líkt og í tveimur fyrstu leikjum mótsins, og skoraði átta mörk í fyrri hálfleiknum. Liðsfélagi hans í Kiel, Aron Pálmarsson, besti maður Íslands á mótinu til þessa, náði sér ekki á strik og enginn steig upp í hans stað. Óboðlegur sóknarleikurinn hjálpaði Tékkum að skora mörg ódýr mörk og strákarnir voru allt of lengi að skila sér tilbaka í vörnina.
Stefán Rafn Sigurmannsson skoraði tvö góð mörk í röð úr vinstra horninu og minnkaði muninn í sjö mörk, 18:11, þegar tvær mínútur voru eftir af fyrri hálfleik en Tékkar skoruðu svo þrjú í röð og voru 10 mörkum yfir í hálfleik, 21:11.
Aron Pálmarsson kom ekkert við sögu í seinni hálfleiknum, eftir að hafa fengið öxl eins Tékkans í andlitið undir lok fyrri hálfleiksins. Fleiri leikmenn fengu hvíld í seinni hálfleiknum en íslenska liðinu tókst aldrei að ógna forskoti Tékka eftir hlé, jafnvel þó að Björgvin kæmi aftur í markið og stæði sig mjög vel. Munurinn fór mest niður í sjö mörk og lokatölur urðu 36:25.
| Ísland | 25:36 | Tékkland |
|
|---|---|---|---|
| Arnór Atlason (Ísland) skýtur framhjá Skot af vörninni og framhjá. | |||
Of margir nemendur og ákall um hæft starfsfólk
Vangaveltur gengu lengra en innistæða var fyrir
Björninn sagður nálægt byggð
Davíð Viðarsson var skyndihugdetta
Grænlendingar vildu ekki fá björninn til baka
740 milljón króna sígarettusmygl
Hætta vegna jarðfalls í sprungur metin töluverð
Eina leiðin var að fella björninn