Það er ljóst að árangur Dana á heimsmeistaramótinu í handknattleik í Katar er sá slakasti í tíu ár en Danir, undir stjórn Guðmundar Guðmundssonar, geta hæst náð 5. sætinu á mótinu.
Á heimsmeistaramótinu í Túnis árið 2005 höfnuðu Danir í 13. sæti en á síðustu fjórum heimsmeistaramótum hafa Danir endað á meðal fjögurra efstu þjóða.
Árangur Dana á síðustu heimsmeistaramótum:
2005 - 13. sæti
2007 - 3. sæti
2009 - 4. sæti
2011 - 2.sæti
2013 - 2. sæti
Danir verða í eldlínunni í dag en þá hefst keppni um sæti 5-8. Danir etja kappi við Slóvena og Þjóðverjar, undir stjórn Dags Sigurðssonar, mæta Króötum. Sigurliðin úr þessum leikjum spila um 5. sætið en tapliðin um 7. sætið.