Snorri Sigurbergsson, landsliðsmarkvörður í íshokkí, hefur samið við nýtt lið í Svíþjóð fyrir komandi tímabil.
Snorri hefur samið við lið Spånga sem spilar í 2. deild, sem er fjórða efsta deild þar í landi, en hann spilaði áður með liði Norrtälje í 3. deild eða í þeirri fimmtu efstu.
Snorri hefur áður spilað með liði Moss í 2. deild í Noregi og HC Liljan og Mölndal í 3. deildinni í Svíþjóð svo eitthvað sé nefnt, en hér á landi hefur hann spilað með Birninum.