Hörður Axel Vilhjálmsson, landsliðsmaður í körfuknattleik, hefur samið við gríska liðið Rethymno Cretan Kings B.C og mun leika með liðinu á næsta keppnistímabili, en það er frá grísku eyjunni Krít.
Áður hafði Hörður ákveðið að snúa heim úr atvinnumennsku og ganga til liðs við gamla félaga sína í Keflavík. Samningnum fylgdi þó skilyrði að Hörður gæti yfirgefið Keflavík ef spennandi tilboð bærist frá liði erlendis; sem raunin er.
Rethymno hafnaði í áttunda sæti grísku deildarinnar á síðasta tímabili. Hörður lék með Aries Trikala sem hafnaði í níunda sæti.
Hordur Vilhjalmsson moves from @trikalabc to @RethymnoBC! Agreement, signed, sealed and delievered. Congrats @Hossiaxel!
— Christos Lazarou (@ChristosLazarou) July 1, 2016