Golden State Warriors er komið með 3:0 forystu í úrslitaeinvígi Vesturdeildar NBA í körfuknattleik eftir útisigur á San Antonio Spurs í nótt, 120:108.
Golden State vann fyrstu tvo leikina á sínum heimavelli og ljóst er að Spurs á litla möguleika á að komast í úrslitin eftir þennan ósigur.
Kevin Durant skoraði 33 stig fyrir Golden State og tók 10 fráköst. Þar af skoraði hann 19 stig í þriðja leikhluta. Manu Ginobili var stigahæstur hjá Spurs með 21 stig.