Valur vann sinn fimmta leik í röð í Dominos-deild kvenna í körfubolta er toppliðið lagði leið sína í Garðabæinn og lagði Stjörnuna 65:51.
Stjarnan skoraði fyrstu þrjú stig leiksins, en þá svaraði Valur með næstu níu stigum og náði sex stiga, 9:6. Stjarnan svaraði vel og náði að jafna í 12:12, en Valskonur skoruðu síðustu körfu 1. leikhlutans og komst í 14:12 í leikhluta þar sem varnarleikurinn var mun betri en sóknarleikurinn. Bandarísku leikmenn liðanna skoruðu samtals tvö stig í leikhlutanum, þau gerði Danielle Rodrguez hjá Stjörnunni.
Valskonur byrjuðu 2. leikhluta betur og unnu fyrri hluta hans 7:3. Þá tók Stjarnan við sér og sérstaklega Bríet Sif Hinriksdóttir, því hún skoraði tvær þriggja stiga körfur undir lok leikhlutans og jafnaði í 29:29. Þannig var staðan í hálfleik.
Valur var sterkari aðilinn í 3. leikhluta og var staðan fyrir síðasta leikhlutann 45:39. Valur skoraði fyrstu 13 stig 4. leikhlutans og breytti stöðunni í 58:39. Stjarnan náði ekki að svara því og að lokum var sigur Vals nokkuð öruggur.