60% meiri laxveiði miðað við árið í fyrra

Landssamband Veiðifélaga birtir nýjar veiðitölur í dag og niðurstaðan er sú að veiðin núna er um 60% betri en í fyrra.

Allar forsendur eru fyrir því að þetta verði eitt af bestu árunum í stangveiðinni ef göngur verða jafn kröftugar og þær hafa verið.  Vatnsstaðan í ánum er mikið betri en hún hefur verið og ár eins og Grímsá, Norðurá, Haffjarðaá, Þverá og Laxá í Kjós verða í kjörvatni út júlímánuð þó að líitð sem ekkert rigni.  Ef nægur lax er í ánum við þær aðstæður verður veiðin betri og það hljóta allir að kætast yfir því.  Eins og sjá má á topp 10 ánum sem við tókum út á síðunni hjá www.angling.is þá fer þetta sumar afskaplega vel af stað og það verður spennandi að sjá hvernig þessi listi lítur út eftir viku.

• Blogga um frétt

Seinustu hundraðkallar sumarsins