Veiði hafin í Svartá í Skagafirði

Fallegur urriði úr Svartá.
Fallegur urriði úr Svartá. Valdemar Friðgeirsson

Veiði hófst í ánni nú um helgina og kemur hún vel undan vetri að sögn leigutaka. Svartá er fjögurra stanga urriðaá en fyrir neðan svonefndan Reykjafoss breytir áin um nafn og gengur undir nafninu Húseyjarkvísl. Reykjafoss er ólaxgengur en þar fyrir neðan er þekkt laxa og sjóbirtingssvæði.  Í Svartá er staðbundinn urriði og undanfarin ár hefur verið unnið að rannsóknum á stofnunum árinnar með það að markmiði að byggja þá upp. Hefur það tekist mjög vel og hefur veiðin aukist mikið og urriðinn stækkað. Valdemar Friðgeirsson var einn þeirra sem var í opnunarhollinu og fengum við þessar myndir hér lánaðar hjá honum. Veiðin var góð og urriðinn sterkur og sprækur. Um 30 urriðar komu á land, flestir um 50 cm langir en sá stærsti var 64 cm langur sem Guðmundur Ármann veiddi. Mest var veiðin á púpur og var þar flugan Hrafna fremst í flokki.

Við Svartá í Skagafirði.
Við Svartá í Skagafirði. Valdemar Friðgeirsson
Fallegum urriða landað úr Svartá.
Fallegum urriða landað úr Svartá. Valdemar Friðgeirsson
mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Víðidalsá Stefán Elí Stefánsson 4. september 4.9.
101 cm Laxá í Dölum Hafþór Jónsson 27. ágúst 27.8.
102 cm Haukadalsá Ármann Andri Einarsson 23. ágúst 23.8.
103 cm Laxá í Aðaldal Birgir Ellert Birgisson 12. ágúst 12.8.
103 cm Miðsvæði Laxá í Aðaldal Máni Freyr Helgason 11. ágúst 11.8.
101 cm Laxá í Aðaldal Agnar Jón Ágústsson 10. ágúst 10.8.
101 cm Laxá í Aðaldal Richard Jewell 9. ágúst 9.8.

Skoða meira

Fleira áhugavert
Fleira áhugavert