Veiði | mbl | 23.7.2014 | 23:45 | Uppfært 24.7.2014 9:19

Mjög góð veiði í Laxá á Ásum

Frá Laxá á Ásum. Matt Harris

Síðasta vika gaf 130 laxa í Laxá á Ásum, samkvæmt vikulegum veiðitölum frá Landssambandi stangveiðifélaga, en þetta er afburðagóð veiði þar sem einungis er veitt á tvær stangir í ánni. Þetta gerir rúmlega níu laxa meðalveiði á dagsstöngina sem er besta meðalveiði á stöng sem þekkist í laxveiðiá hér á landi. Nú virðist áin vera að rísa upp aftur sem aflasælasta veiðiá landsins eftir lægð og brokkgenga veiði í kjölfar þess að gengið var of nærri laxastofninum á níunda áratugnum sem að margra mati var vegna óhóflegrar maðkaveiði. Nú hefur fluguveiði aðeins verið leyfð seinustu árin og mikið af laxi sleppt aftur. Alls er búið að veiða 331 lax það sem af er sumri. Að sögn leigutaka árinnar er mikill smálax í ánni, sem er í flottu ásigkomulagi, og ekki verður vart við örlaxa í afla veiðimanna. Heildarveiði í ánni í fyrra var 1.062 laxar sem eru 6,6 laxar á hverja dagsstöng miðað við 80 daga veiðitímabil.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.