Danski stórveiðimaðurinn Nils Folmer fékk í gær eina mestu stórurriðaveiði sem um getur í Þingvallavatni. Að auki veiddi hann einn stærsta urriða sem vitað er um að hafi veiðst á landinu á seinni árum.
Á innan við einum sólarhringi veiddi hann sjálfur fjóra urriða í yfirstærð sem voru 101, 90, 89 og 86 sentímetra langir. Ásta eiginkona hans var með honum og landaði hún 98 sentímetra urriða, auk þess sem annar maður var með þeim í för og veiddi 95 sentímetra langan urriða. Þetta er með ótrúlegri stórfiskaveiðum í silungsveiði sem um getur.
Taldi Nils að 101 og 98 sentímetra löngu urriðarnir væru talsvert yfir 30 pund. Sagði Nils í samtali við mbl að þessi upplifun í veiði væri með ólíkindum og hann væri enn að klóra sér yfir þessu. Hann sagði að hinn stóri 101 sentímetra langi urriði hafi hann veitt á púpu númer 12, en hinn 98 sentímetra landi urriði hennar Ástu hafi hún veitt á Wolly Bugger. Þá kvaðst Nils hafa veitt 90 og 89 sentímetra urriðana á Caddis þurrflugu og á púpu.
Þar fyrir utan lönduðu þau fjölda urriða sem voru á bilinu 50 til 80 sentímetra langir
Nils hefur verið iðinn við veiðar á Ion-svæðinu í sumar og hefur landað þar samtals 174 urriðum.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |